Wednesday, December 30, 2009

பயன்படுத்தி பாருங்கள் - 2


Portable Apps


மென்பொருள்களில் Portable Software என பல இடங்களில் நாம் கேள்விப்பட்டதுண்டு . ஒரு மென்பொருளை நாம் கணிணியில் பயன்படுத்த வேண்டும் என்றால் முதலில் அந்த மென்பொருளை நாம் நிறுவ அதாவது Install செய்ய வேண்டும் .இதற்க்கு அந்த மென்பொருள் வடிவமைத்தவர்கள் தரும் Setup நிறுவியை கொண்டு நிறுவ வேண்டும் . நிறுவும் போது மென்பொருள் இயங்க தேவையான கோப்புகள் அனைத்தும் நமது கணிணியில் நிறுவப்பட்டு பின் இயங்கும் . இதை வேறு ஒரு கணிணியில் பயன்படுத்த வேண்டும் என்றால் அங்கும் நிறுவவேண்டும் .

ஒரு மென்பொருளின் Portable என்றால் அந்த மென்பொருளை நிறுவ அதாவது Install செய்யாமல் நேரடியாக இயக்குவது ஆகும் . இதன் பயன் என்னவென்றால் நாம் அடிக்கடி பயன்படுத்தும் மென்பொருள்களை CD,Pen Drive போன்றவற்றில் எடுத்து சென்று வேறு எந்த கணிணியிலும் நிறுவ வேண்டிய அவசியம் இல்லாமல் CD,Pen Drive இல் இருந்தே அப்படியே இயக்கி பயன்படுத்தலாம் .

இப்படி பயன்படுத்த நமக்கு நாம் பயன்படுத்தும் மென்பொருள்களின் Portable வகை வேண்டும் . பிரபல மென்பொருள்களின் portable வடிவம் இந்த இணைய தளத்தில் கிடைக்கிறது .




Win Patrol


உங்கள் கணிணியில் என்னென்ன மென்பொருள்கள் இயங்குகின்றன , எத்தனை Services உபயோகத்தில் உள்ளன , உங்கள் கணிணி இயங்க ஆரம்பிக்கும் போது என்னென்ன மென்பொருள்கள் இயங்க ஆரம்பிக்கின்றன மற்றும் கணிணியில் உள்ள Hidden Files ஆகியவற்றை காட்டுகிறது . மிகவும் பயனுள்ள மென்பொருள் பயன்படுத்தி பாருங்கள் . இதை இங்கிருந்து டவுன்லோட் செய்யலாம்.


அன்புடன் ,
லக்கி லிமட்
Browse Comics - காமிக்ஸ் உலவல்

Monday, December 28, 2009

MultiFox நெருப்புநரியில் ஒரே நேரத்தில் இரு ஜிமெயில் கணக்குகள்


Gmail இன்று பலரால் உபயோகிக்க படும் ஈமெயில் வசதிகளில் முதன்மையாக இருக்கிறது . பெரும்பாலான அனைவரும் தற்போது ஜிமெயில் கணக்கு வைத்துள்ளார்கள். மேலும் பெரும்பாலானவர்கள் பல ஜிமெயில் கணக்கு வைத்திருப்பார்கள் .

உதாரணமாக Blogger பயன்படுத்துபவர்கள் அதுகென்று தனி கணக்கு வைத்திருப்பார்கள் . இது போல தேவைக்கேற்ப அவரவர் தனி தனி கணக்குகள் வைத்திருப்பார்கள் .

ஆனால் நெருப்புநரி Firfox மட்டுமில்லாது எந்த இணைய உலவியுளும் ஒரே நேரத்தில் இரு கணக்குகளை பயன்படுத்த முடியாது . Multifox என்ற இந்த நெருப்புநரி-Firefox Addon மூலமாக ஒரே நேரத்தில் இரு கணக்குகளை பயன்படுத்த முடியும் .

இதற்க்கு முதலில் இந்த நெருப்புநரி-Firefox Addon ஐ உங்கள் நெருப்புநரி-Firefox இல் நிறுவ வேண்டும் . இதை இங்கிருந்து நிறுவலாம்.

இதை நிறுவும் போது நெருப்பு நரி Firefox இல் கீழ்க்கண்ட கேள்வியை எழுப்பலாம் . அதற்க்கு Allow என்ற பட்டனை கிளிக் செய்க. படத்தை கிளிக் செய்த பெரிதாக்கி பார்க்க

நிறுவிய பின் கீழ்க்கண்ட வழிமுறைகளை பின்பற்றுக


நெருப்புநரி-Firefox இல் File -> New Identity Profile என்பதை கிளிக் செய்க .


கிளிக் செய்த பின் புதிய நெருப்புநரி-Firefox Window ஒன்று தோன்றும் . அதில் மற்றொரு ஜிமெயில் கணக்கை பயன்படுத்துங்கள் . அதில் எத்தனையாவது Window என அதன் AddresBar இல் தோன்றும் .


நீங்கள் ஐந்து ஜிமெயில் கணக்குகள் வைத்திருந்தால் ஐந்து தடவை நெருப்புநரி-Firefox இல் File -> New Identity Profile என்பதை கிளிக் செய்க .

ஒவ்வொரு Windowவிழும் தனி தனி ஜிமெயில் கணக்கு பயன்படுத்தலாம் . மேலும் விபரங்களுக்கு http://br.mozdev.org/multifox/

அன்புடன் ,
லக்கி லிமட்
Browse Comics - காமிக்ஸ் உலவல்

Monday, December 21, 2009

பயன்படுத்தி பாருங்கள் - 1

Monitor Off
நாம் அலுவலகத்திலோ ,வீட்டிலோ கணிணியை பயன்படுத்தும் போது எங்காவது செல்ல நேர்ந்தால் கணிணியின் திரையை அணைத்து விட்டு செல்வோம் அல்லது Screensaver ஓட விட்டு செல்வோம் . திரையை அணைக்க நாம் திரையில் உள்ள பட்டனை அழுத்தி விட்டு செல்வோம் . இதற்க்கு பதிலாக ஒரே கிளிக்கில் திரையை அணைக்க மற்றும் Screensaver ஓட விட இந்த மென்பொருள் உதவுகிறது .

இதன் உதவி கொண்டு நீங்கள் கணிணி திரையை அணைக்க ஏதாவது பட்டனை தேர்வு செய்து கொள்ளாம் . உதாரணமாக Ctrl + Shift +1 என உங்கள் வசதிக்கு ஏற்றவாறு தேர்வு செய்து கொள்ளலாம் . Screensaver இயக்குவதற்கும் ஏதாவது பட்டனை தேர்வு செய்து கொள்ளாம். இல்லாவிடில் ஒரே கிளிக் மூலம் கீழ்க்கண்டவாறு பயன்படுத்தலாம் .

மேலும் இதில் கிளிக் செய்த பிறகு எவளவு நேரம் கழித்து திரையை அணைக்க வேண்டும் அல்லது Screensaver இயங்க வேண்டும் என சொல்லிவிடலாம் .


இந்த மென்பொருளை டவுன்லோட் செய்ய இங்கே கிளிக்கவும்




Windows Access Panel
நாம் Control Panel வழியாக சென்று சில Windows இயக்கங்களை இயக்குவோம் . உதாரணமாக Service Manager,RegEdit போன்ற பல Applications Control Panel லில் மூலமாக இயக்க முடியும் . மேலும் Chkdisk,Disk cleanup போன்ற பல Application களை windows menuவில் தேடிபிடித்து சென்று இயக்க வேண்டும் . இதற்க்கு பதிலாக Windows Access Panel என்ற மென்பொருள் இவைகளை சுலபமாக இயக்க உதவி புரிகிறது .


இது போன்ற Applicationகளை தொகுத்து விரைவாக இயக்க வழி புரிகிறது . இந்த மென்பொருளை டவுன்லோட் செய்ய இங்கே கிளிக்கவும்


அன்புடன் ,
லக்கி லிமட்
Browse Comics - காமிக்ஸ் உலவல்


Wednesday, December 16, 2009

விரைவாக கோப்புகளை காப்பி செய்ய

நாம் கணிணியில் பலவிதமான கோப்புகள் வைத்திருப்போம் . அவற்றை நம் வசதிக்கேற்றவாறு அடிக்கடி இடமாற்றம் செய்வோம் . அப்படி இடமாற்றம் செய்யும் போது ஒரு Drive விட்டு ஒரு Drive காப்பி அல்லது இடமாற்றம் செய்யும் போது அதாவது உதாரணமாக Drive(C:) லிருந்து Drive(E:) காப்பி அல்லது இடமாற்றம் செய்யும் போது சற்று வேகம் குறைவாக இருக்கும். மேலும் இடமாற்றம் செய்யப்படும் கோப்பு பெரிதாக இருப்பின் மேலும் நேரம் அதிகமாக எடுத்துக்கொள்ளும் .

TeraCopy என்னும் மென்பொருள் விரைவாக காப்பி செய்ய மற்றும் இடமாற்றம் செய்ய உதவுகிறது . இது சாதாரணமாக காப்பி மற்றும் இடமாற்றம் செய்வதை காட்டிலும் விரைவாக செய்கிறது .இதற்க்கு முதலில் TerCopy மென்பொருளை நிறுவிய பின் இடமாற்றமோ காப்பியோ செய்யவேண்டிய கோப்பின் மீது Right Click செய்து அதில் TeraCopy என்பதை கிளிக் செய்க


பின் தோன்றும் Window வில் Copy அல்லது Move வசதியை தேர்வு செய்க.மேலும் கோப்பை இடமாற்றமோ காப்பியோ செய்ய வேண்டிய இடத்தையும் தேர்வு செய்க .


தேர்வு செய்த பின் TeraCopy இடமாற்றமோ அல்லது காப்பியோ செய்வதை தொடங்கி விடும் . மேலும் இதில் இடமாற்றத்தையோ காப்பியையோ தற்காலிகமாக நிறுத்தி வைக்கும் Pause வசதியும் உண்டு .





இந்த மென்பொருளை டவுன்லோட் செய்ய சுட்டி


அன்புடன் ,
லக்கி லிமட்
Browse Comics - காமிக்ஸ் உலவல்

Tuesday, December 15, 2009

உங்கள் வலைப்பூவுக்கு அழகான Banner,Logo

உங்கள் வலைப்பூவோ அல்லது இணைய தளமோ எதுவானாலும் அழகாக பார்வையாளரை கவர வேண்டும் என நினைப்போம் . வலைப்பூவில் banner மற்றும் logo மிகவும் முக்கியமானது . சில வலைப்பூ பதிவர்கள் Photoshop மற்றும் Flash போன்றவற்றை அறிந்து இருப்பார்கள் . இதனால் அவர்கள் எளிதாக அவர்களது வலைப்பூவை Banner மற்றும் Logo அவர்களே உருவாக்கி மெருகூட்டுவார்கள் . ஆனால் இவை தெரியாத மற்றவர்களுக்காக Banner மற்றும் Logo உருவாக்க சில வலைத்தளங்கள் உள்ளன . இவை எளிய முறையில் Banner மற்றும் Logo உருவாக்க உதவுகின்றன .

படங்களை கிளிக் செய்து பார்க்க

Banner Fans



Online Logo Maker



Live Banner Maker



அன்புடன் ,
லக்கி லிமட்
Browse Comics - காமிக்ஸ் உலவல்

Monday, December 14, 2009

அனைத்து மென்பொருள்களும் ஒரே நிறுவலில்

வழக்கமாக நம் கணிணியில் தேவையான மென்பொருள்களை ஒவ்வொன்றாக இணையதளத்தில் டவுன்லோட் செய்து பின் அதை நம் கணிணியில் நிறுவுவோம் . புதியதாக ஒரு கணிணி வாங்கினால் இதேபோல் டவுன்லோட் செய்து நிறுவுவது சற்று சலிப்பூட்டும் வேலையாக இருக்கும் .

ஏற்கனவே Backup எடுத்து வைத்திருந்தாலும் நாம் நிறுவும் மென்பொருளுக்கு புதிய பதிப்பு வந்திருந்தாள் அதை டவுன்லோட் செய்ய வேண்டும் . இதே உங்கள் கண்ணியை நீங்கள் format செய்தாலும் அனைத்து தேவையான மென்பொருள்களையும் நிறுவ வேண்டும் .

இதற்கு Ninte என்ற இணைய தளம் உதவி புரிகிறது .இந்த இணைய தளத்தில் பிரபலமான இலவச மென்பொருள்கள் அனைத்தும் தரப்பட்டிருக்கும் . அவற்றில் நமக்கு தேவையான மென்பொருள்களை தேர்வு செய்யவேண்டும் .


தேர்வு செய்த பின் Get Installer என்ற பட்டனை கிளிக் செய்தால் அனைத்து மென்பொருள்களும் நிறுவ ஒரே நிறுவி கிடைக்கும் .



இதை டவுன்லோட் செய்து பின் இயக்கினால் , அனைத்து மென்பொருள்களையும் டவுன்லோட் செய்து உங்கள் கணிணியில் இன்ஸ்டால் செய்து விடும் .

இணைய தள சுட்டி . இதே வசதி தரும் மற்றொரு இணையதள சுட்டி





அன்புடன் ,
லக்கி லிமட்
Browse Comics - காமிக்ஸ் உலவல்

Saturday, December 12, 2009

உங்களை போல ஒருவன்



உலகத்தில் ஒவ்வருவரை போல ஏழு பேர் இருப்பதாக கூறபடுவதுண்டு. அப்படி உங்களை போல இருந்தால் நீங்கள் கண்டுபுடிக்கலாம் . அதற்க்கு நீங்கள் Facebook உபயோகிக்க வேண்டும் .Facebook இல் FacialProfiler என்ற Application உள்ளது . இது நீங்கள் கொடுத்திருக்கும் Profile புகைப்படத்தை எடுத்து முகத்தை வைத்து நம்மை போல் முகஜாடை உள்ள Facebook உபயோகிப்பவர்களை காட்டுகிறது.



ஆனால் இது Facebook இல் உள்ளவர்களை மட்டுமே தேடி தருகிறது . நீங்களும் உபயோகித்து பாருங்களேன் . இதற்க்கு சுட்டி

அன்புடன் ,
லக்கி லிமட்
Browse Comics - காமிக்ஸ் உலவல்

Thursday, December 10, 2009

WobZIP - Zip,Rar கோப்புகளை Extract செய்யும் வலைத்தளம்


நாம் பலவகையான Compression மென்பொருள்கள் பயன்படுத்துகிறோம் .அவற்றில் Winzip,Winrar பிரபலமானது. இவைகள் முறையே zip,rar கோப்புகளை வழங்குகின்றன.இவை தவிர 7z,GZip மற்றும் iso போன்ற கோப்புகளும் உள்ளன.இந்த வகையான கோப்புகளை Extract செய்வதற்கு அந்தந்த மென்பொருள்கள் தேவை. மேலும் அவை உங்கள் கணினியில் நிறுவ பட்டிருக்கவேண்டும்.இல்லாவிடில் அவைகளை Extarct செய்து பார்க்க முடியாது.ஆனால் wobzip என்ற இந்த இணைய தளம் கோப்புகளை Extract செய்து தர உதவுகிறது.

இந்த தளம் 7z, ZIP, GZIP, BZIP2, TAR, RAR, CAB, ISO, ARJ, LZHCHM, Z, CPIO, RPM, DEB and NSIS கோப்புகளை Extract செய்து அதில் உள்ள பல கோப்புகளை தனித்தனியே பிறிது தருகிறது . இதில் TAR,RPM,DEB கோப்புகள் Linux கோப்புகள் ஆகும் .




மேலும் Password கொடுக்கப்பட்டு Compress செய்த கோப்புகளையும் Extract செய்ய உதவுகிறது. இதற்கு Password நாம் கொடுத்துவிட்டால் Extract செய்து விடும் .



இணைய தள சுட்டி WObZIP

தகவல் உதவி File Net Works Blog

அன்புடன் ,
லக்கி லிமட்
Browse Comics - காமிக்ஸ் உலவல்






Monday, December 7, 2009

foobar - எளிய சிறிய பயனுள்ள சிறந்த ஆடியோ பிளேயர்


நம் அன்றாட வாழ்வில் இசை என்பது பிரிக்க முடியாத ஒன்றாகி விட்டது . கணினியை உபயோகப்படுத்தும் போதும் , இணையத்தில் உலவும் போதும் பலர் பாடல்கள் கேட்டுக்கொண்டே உபயோகப்படுத்துவார்கள் .மேலும் சிலர் வீடுகளில் பாடல்கள் கேட்கவே கணினியை உபயோகிப்பது உண்டு .நாம் பாடல்கள் கேட்க ஆடியோ பிளேயர் பயன்படுத்துகிறோம் .நிறைய ஆடியோ பிளேயர்கள் உள்ளன. அவற்றில் சிறந்த ஒன்று foobar .இந்த foobar ஆடியோ பிளேயர் சில சிறப்பம்சங்களை கொண்டுள்ளது . இதன் size மிகவும் குறைவு வெறும் 2.31 MB அளவு கொண்டது .மற்ற ஆடியோ ப்ளேயர்கள் போலவே அனைத்து வசதிகளையும் கொண்டுள்ளது .



இதன் Size ஐ போலவே இது பிடிக்கும் memory அளவும் குறைவே . உங்கள் கணினியில் இது இயங்க மிக குறைந்த அளவே memory போதுமானது . இதனால் வேகமாகவே இயங்குகிறது .மேலும் இது MP3, MP4, AAC, CD Audio, WMA, Vorbis, FLAC, WavPack, WAV, AIFF, Musepack, Speex, AU, SND... போன்ற பல ஆடியோ வகைகளையும் இயக்குகிறது .

மேலும் எளிதில் உபயோகபடுத்துமாறு வடிவமைக்கப்பட்டுள்ளது . பல வகையான Playlist பயன்படுத்தும் போது எளிதாக பயன்படுத்தும் வகையில் tab வசதியை கொண்டுள்ளது . கீழே உள்ள படத்தை காண்க .



இதை இங்கிருந்து டவுன்லோட் செய்து கொள்ளலாம் .


அன்புடன் ,
லக்கி லிமட்
Browse Comics - காமிக்ஸ் உலவல்




Friday, December 4, 2009

Guerrilla Mail - கொரில்லா மெயில் - தற்காலிக உபயோகத்திற்கு

இணையத்தில் பல இணைய தளங்கள் புதியது புதியதாக வருகின்றன . நாமும் தினமும் பல புதிய இணைய தளங்களை பார்க்கிறோம் . அவை Forum அல்லது விளையாட்டு தளமாக கூட இருக்கலாம் . உங்களுக்கு தேவையான சில தகவல்கள் Forum ல் இருக்கலாம் அல்லது கொஞ்ச நேரம் நீங்கள் விளையாட்டு தளத்தில் விளையாட நினைக்கலாம் .ஆனால் Forum ல் இருந்து தகவலை பெறவோ , விளையாட்டு தளத்தில் விளையாடவோ உங்களை புதிய கணக்கு உருவாக்க அந்த தளம் சொல்லலாம் . மேலும் அதற்க்கு உங்களது மெயில் முகவரி கொடுக்கவேண்டியது வரலாம் .அப்படி நீங்கள் உங்கள் மெயில் முகவரி கொடுத்து அதற்க்கு அவர்கள் அனுப்பும் சுட்டியை கிளிக் செய்வதன் மூலம் தான் புதிய கணக்கு உருவாக்க முடியும் .

இந்நிலையில் நீங்கள் உங்கள் மெயில் முகவரி கொடுக்கவேண்டிய நிலை வரும் . இப்படி உங்கள் மெயில் முகவரி கொடுப்பதால் உங்கள் மெயில் முகவரிக்கு நிறைய Spam மெயில் வரலாம் .ஆனால் உங்களுக்கு புதிய கணக்கு துவக்க மெயில் முகவரி தேவை .இந்நிலையில் நீங்கள் கொரில்லா மெயில் பயன்படுத்தலாம் .

இந்த கொரில்லா மெயில் தளம் உங்களுக்கு ஒரு தற்காலிக மெயில் முகவரி தரும் . இந்த மெயில் முகவரி ஒரு மணி நேரம் வரை நீடிக்கும் .




நீங்கள் இந்த மெயில் முகவரியை பயன்படுத்தி புதிய கணக்கு துவக்கி கொள்ளலாம் . இது ஒரு மணி நேரம் வரி நீடிப்பதால் நீங்கள் புதிய கணக்கு துவக்கும் தளத்தில் இருந்து வரும் மெயில் களை இதில் பார்த்து கொள்ளலாம் . அங்கிருந்து வரும் Verification mail களை இங்கேயே பார்த்து கொள்ளலாம் . இதன் மூலம் நீங்கள் உங்கள் மெயில் முகவரி தராமல் புதிய கணக்கு துவக்கி கொள்ளலாம் .


வலைதள சுட்டி


அன்புடன் ,
லக்கி லிமட்
Browse Comics - காமிக்ஸ் உலவல்